Скаутын Хөтөлбөр

Танилцуулга Насны ангилал Тэмдэгт Хөтөлбөрийн уялдаа Сургалт
Хөгжлийн замнал

Насны ангилал

Монголын Скаутын Холбоо нь Нийслэлийн 9 дүүрэг, 21 аймагт үйл ажиллагаа явуулдаг бөгөөд хүүхэд бүрийн нас, хөгжилд тохирсон хөтөлбөртэй.

🐺
6–11 нас
Каб Скаут
Cub Scout

Каб нас нь 6–11 насны хүүхдүүдэд зориулсан скаутын хөдөлгөөний анхан шатны хөгжлийн үе. Хүүхдийг тоглоом, сонирхолтой үйл ажиллагаагаар дамжуулан суралцах, хамт олны дунд зөв төлөвшихэд чиглэдэг.

Кабууд нь бүлгээрээ буюу "кабын бүлэг"-ээр дамжин ажилладаг. Хамтын ажиллагаа, нөхөрлөл, буусдыг хүндлэх, энгийн хариуцлагийг эзэмшдэг.

Чоно каб Буга каб Баавгай каб
⚜️
12–15 нас
Скаут
Scout

12–17 насны хүүхэд, өсвөр үеийнхний бие бялдар, оюун ухаан, нийгмийн хөгжлийг дэмжих зорилготой хөгжлийн шат юм.

Монгол орны уур амьсгал, улирлын онцлогт тохируулан танхимын болон байгальд түшиглэсэн хэлбэрээр зохион байгуулдаг.

Жилд 368 цаг Байгальд сургалт Зуны зуслан
⚜️
16–17 нас
Венчир
Venture

Өсвөр насны скаутуудыг ирээдүйн удирдагч болгоход чиглэх үе шат.

Бүлгийн ажил зохион байгуулж, нийгмийн амьдралд скаутаар дамжуулан оролцож эхэлдэг.

Жилд 368 цаг Байгальд сургалт Зуны зуслан
🌐
18–25 нас
Ровер Скаут
Rover Scout

Ровер скаутын салбар нь 18–25 насны залуучуудыг хамарсан, скаутын хөдөлгөөний хамгийн идэвхтэй, нийгэмд чиглэсэн салбар юм.

Роверууд нь сайн дурын ажил, манлайлал, олон улсын харилцаагаар дамжуулан туршлага хуримтлуулж, амьдралын бодит ур чадварыг эзэмшдэг.

Алтан шонхор ATAS Mongolia Сайн дурын ажил
🦅
Насанд хүрэгчид
Скаутын удирдагч
Scout Leader

Скаутын удирдагч нь хүүхэд, залуучуудын хөгжилд туслах, хөтөлбөрийн хэрэгжилтийг хангах насанд хүрсэн гишүүд юм. BTC болон Wood Badge сургалтаар мэргэжлийн ур чадвараа дээшлүүлдэг.

БУБАШҮС Модон Тэмдэгт Кабын удирдагч Скаутын удирдагч
Скаут нас — 12–15

Сургалтын хэлбэр

Танхимын сургалт
  • 10 дугаар сарын 1-нээс 5 дугаар сарын 1-ний өдөр хүртэл
  • 7 хоногт 1 удаа, 32 долоо хоног
  • Нэг удаагийн сургалт 90 хүртэлх минут
  • Бүлгийн ажил болон онлайн мэдлэг, ур чадварын сургалтууд
    • Байгальд түшиглэсэн сургалт
  • 5 дугаар сараас 9 дүгээр сар хүртэл
  • Байгальд түшиглэсэн зуны арга хэмжээ
  • Майхант зуслан, цугларалтууд зохион байгуулагдана
  • Хээрийн явган аялал — 80 цаг (сард 1 удаа)
  • Зуны зуслан, цугларалт — 240 цаг (2 удаа)
    • Хувийн хөгжил

    Мэдлэг, Чадвар, Дадлын тэмдэг

    Скаутын эгнээнд нэгдсэн хүн бүр өөрийн нас, хөгжлийн онцлогт тохирсон сургалтын хөтөлбөр, сорилт, болзлыг үе шаттайгаар биелүүлснээр мэдлэг, ур чадвар, дадлаа хөгжүүлж, ахиц дэвшлээ илэрхийлэх тэмдэг, зэрэглэл хүртдэг.

    Тэмдгийн тогтолцооны үндсэн зорилго, эрхэм үнэ цэнэ нь түүнийг зөв, зохистой хэрэгжүүлсэн тохиолдолд скаут бүрийн хөгжлийн явцад тулгарч болох бэрхшээл, хоцрогдлыг арилгаж, тэднийг идэвх санаачилгатай, өөртөө итгэлтэйгээр урагшлахад дэмжлэг үзүүлэхэд оршино. Энэхүү тогтолцоо нь скаутуудад мэдлэг, боловсрол, ур чадвараа тасралтгүй хөгжүүлэх боломжийг олгож, амжилтад хүрэхийн төлөө өөрийгөө хөгжүүлэх урам зоригийг төрүүлдэг.

    Мэдлэг, Чадвар, Дадлын тэмдэг
    Каб нас (6–11)

    Кабын зэрэглэлийн тэмдэг

    🐺 Чоно каб
    1-2-р ангийн сурагч · 12 шалгуур

    ЕБС-ийн 1-2-р ангийн сурагчдын батлагдсан хөтөлбөрийн дагуу Биеийн тамир, Дүрслэх урлаг, технологи, Хүн ба орчин, Иргэний ёс зүйн боловсрол хичээлийн агуулгатай уялдаж байна.

    Бие, бялдар, ур чадвар Гэр ахуйн дархан Төрийн далбаа Монгол ардын мэндлэх ёс Манай гэр бүл Аюулгүй байдал Цуглуулга Эрүүл мэнд
    🦌 Буга каб
    3-4-р ангийн сурагч · 24 шалгуур

    ЕБС-ийн 3-4-р ангийн сурагчдын батлагдсан хөтөлбөрийн дагуу Биеийн тамир, Монгол хэл, Хүн ба орчин, Дүрслэх урлаг, технологи, Хүн ба нийгэм хичээлийн агуулгатай уялдаж байна.

    Ардын аман зохиол Өнгөрсөн үеийн түүхийн мөчүүд Байгаль дэлхий Мэдээлэл Загвар зохиох Хоол хийх Спорт Аялал
    🐻 Баавгай каб
    5-р ангийн сурагч · 5 шалгуур

    ЕБС-ийн 5-р ангийн сурагчдын батлагдсан хөтөлбөрийн дагуу Хүн ба нийгэм хичээлийн агуулгатай уялдаж байна.

    Миний амьдардаг газар Гэр бүлээ онцгой болгох Өөрийгөө эрүүл ба аюулгүй байлгах Үүнийг би яаж хэлэх вэ? Эрүүл агаарт гарцгааяа
    Скаут нас (6–11-р анги)

    Скаутын зэрэглэлийн тэмдэг

    65 төрлийн мэдлэг, дадал, чадварын тэмдэгтийг 6–11-р ангийн сурагчид өөрийн хичээлийн агуулгатай уялдуулан бүрэн хамгаалах боломжтой. 65 төрлийн тэмдэгт нь ЕБ сургуулийн сурагчдын батлагдсан хөтөлбөрийн 20 төрлийн хичээлийн агуулгатай уялдаж байна.

    Хүрэл сум
    6-7-р ангийн сурагч

    Хүрэл сум нь үндсэн 5 мэдлэг, дадал, чадварын тэмдэгийг хамгаалсан байх ёстой бөгөөд энэ нь 1 хичээлийн агуулгатай уялдаж байна.

    Монгол нутаг Анхны тусламж Байгаль орчин
    Мөнгөн сум
    8-9-р ангийн сурагч

    Мөнгөн сум нь үндсэн 6 мэдлэг, дадал, чадварын тэмдэгийг хамгаалсан байх ёстой бөгөөд энэ нь 4 хичээлийн агуулгатай уялдаж байна.

    Манлайлал Олон нийт Дэлхий иргэн
    Алтан сум
    10-12-р ангийн сурагч

    Алтан сум нь үндсэн 5 мэдлэг, дадал, чадварын тэмдэгийг хамгаалсан байх ёстой бөгөөд энэ нь 3 хичээлийн агуулгатай уялдаж байна.

    Алтан шонхор Ахлах манлайлал Нийгмийн үйлчилгээ
    Хамгийн дээд зэрэглэл

    Алтан Шонхор

    Алтан Шонхор нь Монголын Скаутын Холбооны хамгийн дээд зэрэглэлийн тэмдэг бөгөөд скаутын бүхий л шатны хөтөлбөрийг амжилттай дуусгасан гишүүнд олгодог.

    Алтан Шонхор тэмдэг
    ЕБС-тэй хамтын ажиллагаа

    Хөтөлбөрийн уялдаа

    Монголын Скаутын Холбооны кабын хөтөлбөр нь ЕБС-ийн I–V ангийн сургалтын хөтөлбөртэй, скаутын хөтөлбөр нь VI–XII ангийн хөтөлбөртэй уялдсан байдаг. Скаутын хөтөлбөр нь хичээлийн хөтөлбөрт ороогүй 45 төрлийн мэдлэг, дадал, чадварыг олгох боломжтой.

    Скаутын хөтөлбөр нь хүүхэд, залуучуудыг зөвхөн мэдлэгтэй байхаас гадна амьдралд бие даан оролцох чадвартай, хариуцлагатай иргэн болгон төлөвшүүлэхэд чиглэдэг. Тус хөтөлбөр нь Youth Programme Framework, Learning by Doing, Personal Progression зэрэг олон улсын скаутын үндсэн зарчимд тулгуурлан хувь хүний тасралтгүй хөгжил, манлайллыг дэмжин хэрэгждэг.

    Удирдагч багш нарт

    Кабын удирдагч багш - ач холбогдол

    Кабын удирдагч багш нь хүүхдийн хөгжлийг зөвхөн академик боловсролын хүрээнд бус, амьдралын ур чадвар, үнэт зүйл, зан төлөвөөр нь төлөвшүүлэхэд чиглэсэн чухал үүрэгтэй. Багш сурагчийн харилцаа нь энгийн хичээлийн харилцаанаас давж, итгэлцэл, харилцан хүндлэл, дэмжлэгт суурилсан түншлэл болон гүнзгийрдэг. Ингэснээр сахилга бат нь гаднаас тулгасан шаардлага биш, харин хүүхдийн дотоод ухамсар, өөрийн хариуцлага дээр тулгуурлан төлөвшдөг.

    Мэргэжлийн хөгжил

    Сургалтын шаталсан тогтолцоо

    General Information Training → Basic Unit Leader Training Course → Advanced Unit Leader Training Course (Woodbadge) гэсэн шаталсан сургалтын систем нь скаутын удирдагч, багш нарыг тасралтгүй хөгжүүлдэг. Энэхүү тогтолцоо нь оролцогчдыг анхан шатнаас эхлэн манлайлагч түвшинд хүрэх хүртэл системтэйгээр хөгжүүлэх онцлогтой.

    01
    General Information Training
    Ерөнхий мэдээлэл олгох сургалт · 8 цаг · 1 өдөр

    Хүүхэд, залуучууд, багш сурган хүмүүжүүлэгчид болон скаутын үйл ажиллагааг сонирхож буй хэн бүхэнд зориулсан анхан шатны танин мэдэхүйн сургалт юм.

    GIT
    Мэдлэгийн түвшинд
    • Скаутын хөдөлгөөний үүсэл, хөгжил
    • Зорилго, үнэт зүйлс
    • Андгай, хууль, үндсэн зарчим
    • Нийгэмд чиглэсэн сайн дурын үйл ажиллагааны ач холбогдол
    Арга зүйн түвшинд
    • "Learning by Doing" зарчим
    • Тоглоомд суурилсан сургалт
    • Багаар ажиллах арга зүй
    • Хамтын ажиллагаанд суурилсан оролцооны хэлбэр
    Хандлага, хүмүүжлийн түвшинд
    • Хариуцлагатай, идэвхтэй иргэн байх
    • Өөртөө итгэх итгэл
    • Бусдад туслах, сайн үйлс хийх
    • Хамт олноо хүндлэх, ойлгох
    02
    Basic Unit Leader Training Course
    Үндсэн багшийн сургалт · 2–3 өдөр

    Анхан шатны ойлголтыг практикт нэвтрүүлж, баг удирдах ур чадвар хөгжүүлэх төвтэй. Зорилго: Скаутын бүлгийн үйл ажиллагааг удирдах чадвар эзэмшүүлэх. Оролцогчид: Кабын багш, залуу удирдагч.

    BULC badge
    Мэдлэгийн түвшинд
    • Скаутын бүлэг удирдах бүтэц, үүрэг
    • Хүүхдийн хөгжлийн үе шат, зан төлөвийн онцлог
    • Аюулгүй, оролцоотой сургалтын орчин бүрдүүлэх
    Арга зүйн түвшинд
    • Багаар ажиллах, хамтын ажиллагааг удирдах
    • Тоглоом, сорил, дадлага дээр суурилсан "Learning by Doing"
    • Хүүхдийн зан төлөв, хандлага ажиглах, зөв чиглүүлэх
    Хандлага, хүмүүжлийн түвшинд
    • Манлайлагчийн хандлага төлөвшүүлэх
    • Өөртөө итгэлтэй, хүүхэд төвтэй багш болох
    • Багаар ажиллах, асуудлыг зөвшилцлөөр шийдэх чадвар
    03
    Advanced Unit Leader Training Course
    Модон Тэмдэгт (Woodbadge) · 5–7 өдөр

    Системтэй, стратегийн түвшинд манлайлах ур чадвар эзэмшүүлэхэд чиглэнэ. Зорилго: Багш, удирдагчийг жирийн удирдагчаас манлайлагч түвшинд хөгжүүлэх. Оролцогчид: Кабын удирдагч багш нар, туршлагатай скаутын удирдагчид.

    Woodbadge 1 Woodbadge 2 Woodbadge 3
    Мэдлэгийн түвшинд
    • Скаутын дэлхийн түвшний хөгжлийн үзэл баримтлал
    • Хөтөлбөр, арга зүйг сургалтын стратегиар удирдах
    • Скаутын хөдөлгөөний манлайлагчийн үүрэг, хариуцлага
    Арга зүйн түвшинд
    • Комплекс дасгал, кейс судалгаа дээр ажиллах
    • Багийн үйл ажиллагаа, сургалтын үр дүнг үнэлэх
    • Дэмжлэгт, оролцоонд суурилсан менежмент
    Хандлага, хүмүүжлийн түвшинд
    • Лидерийн үнэт зүйл, үлгэрлэлийг төлөвшүүлэх
    • Багаас сургалт авч, бусдад манлайлах
    • Өөрийгөө хөгжүүлж, хүүхдийг зөв удирдах ур чадвар эзэмших
    Насанд хүрэгчид

    Скаутын удирдагч гэж хэн бэ?

    Скаутын удирдагч гэдэг нь хүүхэд, залуучуудыг хамтын, аюулгүй, идэвхтэй орчинд хөгжүүлэхэд чиглэсэн зөвхөн багш бус, манлайлагч юм. Хүүхдийн зан төлөв, чадвар, үнэт зүйлсийг төлөвшүүлэхэд чиглэж, сургалтын орчныг аюулгүй, оролцоотой, эерэг байлгах үүрэгтэй. Өөрийн үлгэрлэлээр нөлөөлж, хүүхдийг шүүх бус, зөв чиглүүлэх аргаар хөгжүүлдэг.

    Скаутын удирдагч нь зөвхөн мэдлэг дамжуулагч бус, хүүхэд төвтэй, үнэт зүйлсэд суурилсан манлайлагч юм. Түүний үйл ажиллагаа нь хүүхдийн өөртөө итгэх итгэл, оролцоо, бие даасан байдлыг хөгжүүлж, багийн хамтын ажиллагаа, харилцан хүндлэлийг бэхжүүлдэг.

    Нэгдэх

    Скаутын гэр бүлд нэгдэх үү?

    Нийслэлийн 9 дүүрэг, 21 аймагт байгаа скаутын бүлэгт элсэх боломжтой.

    Элсэх хүсэлт илгээх →